2021尾聲
一個屈尾十就完左2021 呢兩年比武肺玩到陀陀令 2020年中周圍封到HIHI聲 百無聊賴同朋友成立左一個網購平台 揾貨設計物流分工等等由零做起 由三人到二人 再二人到一個人 盤古初開都落力做 落力配合 而家一個獨力撐起一切 原來黎得更加輕鬆 反正都係賺錢買花帶既輔業 發錢寒時做多D 想HAE時乜都唔做 唔洗交代 領悟到 最緊要自己有能力 冇左邊個根本唔重要 同埋 凡時堅持先會成功 几年冇放過一個真既假 所謂真既假 对上一次已經係2018年番香港之旅 之後一直被困 就算放假都離不開壓力 難得壓力之源暫時跳出我既生活空間 好好地攞左几日假諗住同屋企人自由自在 誰不知omircon 變種會經空氣傳播 所有己計劃的安排一一取消 大佬, 玩夠未 第二次人生旅程將於2022年1月15正式行左7年, 呢7年入面經歷大大小小高高低低 可以話係人生最唔容易過既7年 行到黎今日捉番住小小既安穩 都真係要比D掌聲自己同身邊人 大家.. 都攰嘞. 就好好襯住聖誕節真正休息一下 放低一下咁多年既重擔